Crnogorska atletičarka preskočila je 195 centimetara i ostvarila rezultat kao nedavno u Kalamati.

Isti rezultat ostvarila je mlada Angelina Topić, kćerka legendarnog skakača uvis Dragutina.

Ona je isto išla preko 195 centimetara, ali je 17-godišnja atletičarka do tog rezultata došla iz više pokušaja.

Treće mjesto pripalo je Grkinji Elefteriji Kristogeorgu sa 193 centimetra.

Najbolja crnogorska sportistkinja u prošloj godini za 10 dana nastupiće na Igrama malih zemalja na Malti, dok je 18. juna čeka najveći izazov u ovom dijelu sezone na otvorenom.

Marija će skakati na mitingu Dijamantske lige u Parizu.

Naša atletičarka je u martu na prvenstvu svijeta u dvorani u Beogradu osvojila četvrto mjesto.

Njen lični rekord na otvorenom iznosi 197 centimetara, a ako nastavi da skače dobro, vjerujemo da će probiti “magičnu” barijeru od dva metra.