Ovaj matematički zadatak izludio je mnoge na internetu. Često nam se dešava da nam pare bukvalno ispare iz novčanika, računamo, preračunavamo se, ali cifre se jednostavno ne uklapaju. Na ovom primjeru vidjećete kako nestaje jedan euro.

Naime, vidjeli ste majicu koja košta 97 eura. I naravno, nemate dovoljno novca, pa odlučite da od majke i tate posudite po 50 eura, što je 100 eura ukupno.

Otišli ste i kupili majicu za 97 eura i ostao vam je kusur od tri eura. Odma odlučujete da majki i tati smanjite dug, pa im od kusura vratite po jedan euro i jedan preostali zadržite za sebe.

Znači, sada majki dugujete 49 eura i tati 49 eura, što je ukupno 98 eura. Kada dodate jedan euro koji ste onda zadržali za sebe to je 99 eura.

Gdje je nestao jedan euro?

 

Bilo je raznih odgovora, a najpopularniji jeste ovaj:
Kada vratite majki i tati po jedan euro, to je 49 + 49 = 98 jeste iznos koji im dugujete, i onaj jedan što ste zadržali za sebe se oduzima, to jest 98 – 1 = 97 što ustvari jeste cijena majice.

Prihvatate li ovo kao rješenje?