Maša M., supruga Jovana Vukotića, koja je bila s njim u automobilu kada ga je napadač na motoru pucao, dala je iskaz u policiji. Ona je ispričala da su stanovali u elitnom naselju Atakoj u Istanbulu i da su tog dana krenuli u šoping u tržni centar u naselju Šišli, koji se nalazi 20-ak kilometara od njihovog doma.
“Iz naše kuće u naselju Atakoj smo automobilom krenuli u tržni centar ‘Zorlu’. Kada smo bili blizu našem vozilu je prišao motocikl. Na njemu su bile dvije osobe. Osoba pozadi je otvorila vatru”, ispričala je ona.
Policija sumnja da je Vukotić ranije lociran, kao i da su ga napadači dugo pratili, prije nego što su organizovali likvidaciju. Oni nisu željeli da čekaju da se pojavi sam, i tako odugovlače posao, već su likvidaciju izveli pred Vukotićevom suprugom i kćerkom. Napadači su ispalili pet hitaca, od kojih je četiri pogodilo Vukotića. Supruga i dijete prošli su nepovrijeđeni.
Preporučeno
Video