Juve je agresivno otvorio meč – Kalulu je već u 2. minutu pogodio prečku, a Kopmejners nedugo zatim natjerao golmana gostiju na odbranu. Atalanta je odgovorila preko Nikole Krstovića i Lazara Samardžića, dok je najopasniji u redovima “stare dame” bio Vasilije Adžić, koji je u više navrata testirao gol rivala, imao je i slobodnjak u 34.minutu koji je namučio golmana gostiju.
Kada se činilo da će se na odmor otići bez pogodaka, Kamalden Sulemana je u nadoknadi prvog poluvremena donio prednost Atalanti – 0:1.U nastavku je Juventus pojačao pritisak. Nagovještaj preokreta stigao je u 79. minutu kada je Huan Kabal iz gužve zatresao mrežu i izjednačio na 1:1. Samo minut kasnije gosti su ostali sa igračem manje, jer je De Ron dobio drugi žuti karton.
Ipak, Juventus nije iskoristio brojčanu prednost – Mekeni je imao najbolju šansu, ali je golman Atalante sačuvao bod svom timu.
Naši reprezentativci su imali svoje uloge u derbiju. Adžić je igrao do 58.minuta kada ga je zamijenio Vlahović, dok je Krstović dobio priliku 82.minuta kada je umjesto njega u igru ušao Brešanini.
Preporučeno
“Stara dama” je ovim remijem ostala na drugom mjestu, dok Atalanta zadržava priključak pri vrhu. Napoli ima priliku da se odvoji na plus četiri ukoliko savlada Milan.
Video