Glumica je za NYT rekla da njena majka Doroti nije željela da ona i sestra javno govore o zlostavljanju.

“Keli i ja smo pričale sa majkom o tome, a ona mi je nakon razgovora napisala pismo u kojem je rekla da je jako zbunjena. Bila je užasnuta tim otkrićem. Ipak, nakon razgovora sa mojom sestrom počela je prihvatati da se to zaista dogodilo”, kaže Šeron.

“Mama je o svemu pristala otvoreno da priča sa mnom kada sam joj pročitala djelove svojih memoara. Bila je kod mene par dana kada sam se oporavljala od gripe, legla je do mene u krevet, dok sam ja završavala knjigu. Nakon otvorenog razgovora koji je trajao sat i po prekrojila sam neke djelove knjige koju sam potom posvetila njoj”, kaže glumica.

Ston kaže da je memoare odlučila da napiše nakon moždanog udara koji je doživjela.

“Pisanje je bilo oslobađajuće iskustvo”, kazala je.