Pošto je rođena šansa da preživi bila je 1:100. Imala je samo 340 grama i bila dužine dlana. Danas je zdrava tinejdžerka koja ljudima poručuje da su čuda moguća, prenosi Noizz.
Niko nije vjerovao da će Engleskinja Alaja Hart preživjeti 2003. godine. Malo je reći da je prijevremeno rođena, imala je samo 340 grama i bila dugačka 18cm. S obzirom na to da je bila tako minijaturna, njena pluća nisu bila razvijena dovoljno i zato su joj ljekari davali 1 odsto šansu da preživi. Ali Alaja je bila borac.
“Nikada nisam bila svjesna svega što se desilo kada sam rođena i nikada to nije uticalo na mene. Bila sam šokirana kada sam vidjela odjeću koju su mi oblačili dok sam bila beba, izgledala mi je kao da bi bila mala i mojim lutkam”, kaže Alaja.
Njena mama Lorejn se ipak jako dobro sjeća traumatičnog početka.
“Imala sam mnogo problema tokom trudnoće, amniotska tečnost je polako nestajala i ljekari su mi savjetovali da abortiram. Bila sam riješena da nastavim sa trudnoćom jer sam dugo pokušavala da zatrudnim i bila sam blizu vještačke oplodnje”, kaže njena majka.
Odmah poslije porođaja Alaju su stavili na aparate za održavanje i Lorejn su upozorili da joj ćerka neće preživjeti ni prvu noć. Bila je tako mala da su volonteri štrikali mini odjeću koja bi joj odgovarala.
Danas, Alaja se bavi glumom i priprema se za polazak u srednju školu. Izgleda ovako:
“Nismo vjerovali da će stići dovde. Ona je beba čudo”, zaključila je Alajina mama.
